साउदी अरबका नयाँ राजा सलमान बिन अब्दुल अजिजको सरकारले बिदेशी कामदारको लागि अहिले सम्मकै सबै भन्दा ठुलो राहत मिल्ने कानुन ल्याएकाछन् | अब देखि यहाँ काम गरिरहेका बिदेशी कामदारले आफ्नो पासपोर्ट आफ्नै साथमा राख्न पाउने भएकाछन् | जुन स्पोन्सर तथा कम्पनीले बिदेशी कामदारको पासपोर्ट राख्दै आएको थियो त्यो अब हुदैन | अझै त्यसो गरेमा सरकारले तिनीहरुलाई जरिवाना लगाउने छ |
साउदी अरबका संचारमाध्यमका अनुसार श्रम मन्त्रालयको यो नयाँ कानुन अनुसार जुन कफिल या कम्पनीले कामदारको पासपोर्ट उनीहरुलाई दिंदैन, उसले २ हजार साउदी रियाल जरिवाना तिर्नु पर्ने छ | साथै सोहि गल्ति दोहोर्याएमा जरिवाना पनि दोब्बर हुनेछ | नयाँ कानुनका अनुसार कामदार र कफिल या कम्पनि बिचमा भएको सम्झौता पत्रको प्रतिलिपि कामदारलाई उपलब्ध नगराउने कफिल या कम्पनीलाई ५ हजार रियाल जरिवाना तोकिएको छ | सम्झौता पत्रमा उल्लेख भए बाहेकको काम लगाउने कफिल या कम्पनीलाई नयाँ कानुनले १५ हजार रियाल जरिवानाको व्यवस्था गरेको छ | धेरै गर्मि तथा खराब मौसममा पनि बिना सुरक्षा व्यवस्था काम गर्न, गराउन बाध्य पर्ने कफिल तथा कम्पनीलाई २५ हजार रियाल जरिवाना नयाँ कानुनमा उल्लेखित छ | यसका साथै कम्पनि तथा कफिल आफैले व्यहोर्नु पर्ने खर्च कामदारबाट असुल गरेको पाइएमा त्यस्ता कफिल तथा कम्पनीलाई जरिवानाको रकम १५ हजार तोकिएको छ |
साउदीको सरकारले ल्यायो नयाँ कानुन, कामदारलाई खुशीको खबर !!!
