शिक्षण अस्पतालको फोरेन्सिक विभागले उक्त रिपोर्टलाई मंगलबार विहान नवलपरासी प्रहरीको जिम्मा लगाएको छ । अस्पतालका अनुसार उक्त रिपोर्टमा मनिषाको हत्या वा आत्महत्या भन्ने ठम्याउन सकिएको छैन् ।
फोरेन्सिक विभाग प्रमुख डा. हरिहर वस्तीले ह्याङगिङबाट मनिषाको मृत्यु भएको बताए । उनले भने– ‘हामीले रिपोर्टमा ह्याङगिङबाट मृत्यु भएको पाएका छौं । ह्याङगिङको अर्थ आत्महत्या (आफैं झुण्डिएको) अथवा हत्या (अरुले झण्ड्याएको) भन्ने कुरा चाँहि भन्न सकिदैन । यो प्रहरीको अनुसन्धानबाट पत्ता लाग्छ ।’
उनका अनुसार घाँटीमा प्रेसर हुँदा मनिषाको मृत्यु भएको देखिएको छ । गालामा पनि चोट छ । घाँटीमा २५ सेन्टिमिटरको डाम पाइएको छ ।
१७ वर्षीया मनिषा कक्षा ११ को परीक्षा सकेकै भोलिपल्ट जेठ १३ गते विहीबार विहान नवलपरासी स्थित आफ्नै घरमा मृत अवस्थामा फेला परेकी थिइन् ।
मनिषाको हत्यामा संलग्न भएको आशंकामा प्रहरीले उनका प्रेमी आशिष चौधरीलाई पक्राउ गरेर हिरासतमा राखी अनुसन्धान गरिरहेको छ । घटनाको सत्यतथ्य पत्ता लगाउन आशिषको आजै पोलिग्राफ टेस्ट हुँदैछ ।
यस्तो आयो मनिषाको पोस्टमार्टमको फाइनल रिपोर्ट, डाक्टर नै ‘कन्फ्युज’ -
