तपाईंले अभिनय गरेको तीजको म्युजिक भिडियो ब्यापक हिट भयो र विवादित पनि । कस्तो रेस्पोन्स आएको छ ?
- रेस्पोन्सहरु धेरै आए । कति राम्रा, कति त नराम्रा पनि । तर, भिडियो एकदम हिट भएको छ । नेपालको इतिहासमै यो पहिलो घटना हो कि, सबैभन्दा बढी बढी (पाँच लाख ) दर्शकले हेरेको म्युजिक भिडियो भएकाे छ । यसर्थ पनि खुसी लागेको छ ।
मन पराउने भन्दा धेरैले आलोचना पो गरे नि, होइन ?
- हेर्नुस् । सबैको हेर्ने आँखा हो । 'फूलको आँखामा फूलै संसार...' उहाँहरुले कसरी हेर्नुभयो उहाँहरुकै कुरा हो । यसमा भिडियोको दोष छैन । उहाँहरुले हेर्ने आँखाकै दोष हो ।
भिडियोमा अश्लीलता प्रदर्शन गरेको भन्दै तपाईंमाथि महिलाहरुले नै कुटपिट पनि गरे भन्ने खबर आयो । कसले पिट्यो ?
- यो हल्ला कहाँबाट कसरी आयो सोच्दै छौं हामी । र यो हल्लाले मेरा वास्तविक फ्यान/शुभ-चिन्तकहरुमाथि पनि चोट पुगेको छ । यही हल्लाको विषयलाई लिएर हामी 'साइवर क्राइम' विरुद्धको मुद्धामा जाने तयारीमा छौं ।
तीजको माहोलमा तपाईँहरुको विभिन्न ठाउँमा स्टेज शो गर्नुपर्ने होला । तपाईँ मुद्धा मामिलामा जाने कुरा गर्दै हुनुहुन्छ । कसरी सम्भव छ यो काम ?
- होइन । हामी जान्छौँ । फेसबुकहरुमा, विभिन्न साइटमा गलत प्रचार भएको छ । कसैको बाउले केही गर्न सक्दैन । हामी 'साइबर क्राइम'मा जान्छौं ।
रामप्रसाद खनाललाई ज्योती मगरको जवाफ, 'पहिले तपाईं 'ब्लू फिल्म' खेलेर देखाउनुस्, अनि म सोच्नेछु'
