‘नाकाबन्दीको समयमा विभिन्न जिल्लाबाट उपत्यकामा ग्यास सिलिण्डर भित्रियो । अहिले सहज भएको अवस्थामा अन्य कम्पनीले सिलिन्डर साट्दैन । कोहीले साटेपनि एक हजार देखि १५ सय रुपैयाँसम्म लिने गरेको उपभोक्ताको गुनासो छ,’ सघका अध्यक्ष शिवप्रसाद घिमिरेले भने, ‘ती उपभोक्तालाई राहत दिनका लागि सिलिन्डर साट्ने व्यवस्था गर्दे छौं ।’
उनका अनुसार कुन/कुन क्षेत्रबाट सर्वसाधरणले सिलिन्डर साट्नेबारे एक साता भित्र सूचना प्रकाशित गरिने छ । ती सिलिन्डर डिपो/ डिलर मार्फत साट्न पाइने छ । ‘सिलिन्डर साट्नेबारे सबै कम्पनीलाई सूचना गरेका छौं,’ उनले भने । संघका अनुसार उपत्यकामा चलनचल्तीमा रहेको सिलिन्डर भने सर्वसाधरणले साट्न पाउँदैनन् । संघका अनुसार ५३ वटा उद्योग मध्ये अधिकाश उद्योग उपत्यका लक्षित गरी २६ वटा उद्योग सञ्चालन गर्दे आएका छन । धादिङमा मात्रै १५ वटा ग्यास उद्योग छन् । ती सुगम, सिद्धार्थ, एचपी, एसटिसी, श्री, बाबा, श्रीराम, ओम,गिता, श्रीमाया, तारा, नमस्ते, भानु, त्रिबेणी र श्रीकृष्ण ग्यास हुन् । काभ्रेमा हिमाल, सौर्य, उग्रचण्डी र सागर ग्यास उद्योग छन् ।
उपत्यकालाई लक्षित गरी गैंडाकोट(नवलपरासी)मा लुम्बिनी, कोसी, जानकी, एचपी, र राजधानी ग्यास उद्योग छन् । यस्तै, चितवनमा बाबा, साई बाबा, नारायणी, उग्रचण्डी, लोकप्रिय ग्यास उद्योग छन् । हेटौंडामा साहारा र मारुती, वीरगन्जमा मनोज, पोखरामा गृहलक्ष्मी ग्यास उद्योग छन् । नाकाबन्दीको उपत्यकामा चरम अभाव भएपछि सर्वसाधारणले जिल्लामा पाइने ग्यास सिलिन्डर उपत्यका ल्याएर चुलो बालेका थिए । अहिले अधिकाश डिपोले साट्न नचाहने/चाहेपनि बढी मुल्य लिन थालेपपछि सघले यस्तो योजाना सार्वजनिक गर्न लागेको हो । सिलिन्डर साट्ने योजना करिब एक साता सञ्चालन गरिने सघले जनाएको छ ।
सिलिन्डर साट्न पाइने
